Machine Gun Kelly ka zbuluar një veçori të çuditshme të unazës së fejesës që ai ia dhuroi të fejuarës së tij Megan Fox.

“Lloji i unazës është në fakt me gjemba. Pra, nëse ajo përpiqet ta heqë, dhemb”, tha ai për Vogue, duke shpjeguar: “Dashuria është dhimbje”!

Deklaratat e tij u bënë publike një javë pasi Kelly, dhe Megan, vulosën fejesën e tyre pas propozimit të tij dramatik.

Megan njoftoi fejesën e tyre duke postuar një video në Instagram që e tregonte Kelly-n të ulur në një gju për t’i propozuar aktores.

Kelly më pas ndau në faqen e tij në Instagram se ai e projektoi unazën në bashkëpunim me argjendarin britanik Stephen Webster.

 

View this post on Instagram

 

A post shared by the Blonde Don (@machinegunkelly)

Në intervistën e tij të re në Vogue, ai tregoi se “një nga gurët e çmuar është një smerald kolumbian i pastër, pa trajtim. Sapo ishte gdhendur në pikën e lotit, direkt nga miniera”.

Ai vuri në dukje më tej: “Dhe diamanti ishte direkt nga Stephen. Koncepti është që unaza mund të shkëputet për të bërë dy unaza”.

Duke demonstruar, ai tha: “Kur është së bashku, mbahet në vend nga një magnet. Pra, e shihni se si bashkohet? Dhe pastaj formon një zemër të errët,” përfundoi Machine Gun Kelly.