Manchester City është masakrues në mesjavën e Premier League, për javën e 17 të kampionatit. Të besuarit e Guardiolas mposhtën Leeds 7-0 me golat e Foden, Grealish, De Bruyne (dygolësh), Mahrez, Stones dhe Akè dhe forcojnë vendin e parë me një +4 momental ndaj Liverpool. Bielsa gjithnjë e më shumë në krizë dhe tashmë i zbritur në fund të renditjes. Në ndeshjen tjetër të ditës, Aston Villa fiton 2-0 jashtë fushe ndaj Norwich.

City shpartallon Leeds në shtëpi dhe fluturon në krye të Premier League. Asgjë për të bërë për skuadrën e drejtuar nga Bielsa, të detyruar të zbresin në zonat më të ulëta të renditjes me vetëm 16 pikë. Skuadrës së Guardiolës iu deshën vetëm 32 minuta për të përfunduar ndeshjen: Foden hapi serinë e golave në minutën e 8′, Grealish dyfishoi në të 13′ dhe më në fund De Bruyne fiksoi trisin, duke e dërguar skuadrën e tij në pushim me rezultatin 3-0.

Ndeshja është vërtet pa histori dhe pjesa e dytë u kthye thjesht një formalitet, Leeds është i trullosur dhe nuk arriti kurrë të krijojë lojë: pas vetëm tre minutash nga fillimi i pjesës së dytë, Mahrez firmosi pokerin. City është i pamëshirshëm dhe në minutën e 61 Foden shënoi, por këtë herë ishte Var ai që shpëtoi Leeds. Për vetëm pak caste, sepse kaloi vetëm një minutë dhe De Bruyne firmosi dygolëshin e tij personal, këtë herë goli është i rregullt dhe ‘manita’ u shërbye. Citizens nuk u ndalën dhe vazhduan të mbajnë këmbën të shtypur në gaz, Stones firmosi 6-0 në minutën e 74′ dhe Akè e ekzagjeroi me 7-0 në të 78′.