Para një jave peshëngritësi i njohur, Pirro Dhima, bëri daljen e tij të parë publike me partneren e re. Ai tregoi se katër vite pas humbjes së bashëshortes, rigjeti dashurinë te 39-vjeçarja greke, Afroditi Skafida.

Afërdita Skafida lindi dhe u rrit në Athinë, më 20 mars 1982. Që në moshë të vogël u mor me sport, fillimisht në kërcim së gjati, më pas në trefish e më pas në kërcim së shkurtër. Ajo është diplomuar në Departamentin e Edukimit Fizik dhe Shkencave Sportive (TEFAA) të Athinës. Si sportiste ka jetuar momente dhe suksese të veçanta, me vendin e tretë në Kupën e Botës në Athinë (2006) dhe medaljen e bronztë në Lojërat Mesdhetare të vitit 2007. Ajo ka marrë pjesë në dy lojëra olimpike, në 2004 dhe 2008, dhe ka thyen rekordin kombëtar 8 herë. Sot, Afërdita Skafida punon si trajnere personale, trajnere e pistës.

“Që kur e kam ndërprerë sportin, jam marrë ekskluzivisht me stërvitje personale. Unë stërvitem nga futbollistë deri te tenistet e nivelit të lartë, si disa vite më parë Lena Daniilidou. Në moshën 15-vjeçare mora në dorë paraolimpianin aktual Nasos Gavelas. Gjithashtu, për katër vite kam trajnuar Eleni Foureira, nga viti 2013 deri në vitin 2017, por edhe Eleonora Meletin”, është shprehur ajo për mediat greke.

Nëpërmjet këtyre bashkëpunimeve dhe veçanërisht rezultateve në trupat e atyre që i besojnë, Afërdita Skafida arriti të krijojë një emër të besueshëm profesionist në fushën e saj. Ndaj nuk kaloi shumë kohë që njerëzit e “Survivor” të interesoheshin për të dhe t’i afroheshin për një vend në lojën speciale Greqi- Turqi në 2019-ën.

“E pranova propozimin për ‘Survivor’ për arsyet specifike që i japin njohje shtesë. Në atë kohë përgatisja klubin tim për fëmijë, pasi doja që në moshë të vogël ta përcillja dashurinë për sportin. Propozimi për lojën erdhi i kombinuar dhe unë pranova. Fatkeqësisht, kur u largova nga loja, ëndrra ime nuk u realizua, sepse kryetari i Varit nuk më la vend. Nuk më la të punoja si doja. Kështu vazhdova personalisht. E përdora lojën për projeksion. Pjesëmarrja ime kishte një karakter tjetër. Në atë kohë donin më shumë sportistë dhe njerëz që nuk kishin elementë të fortë realiteti në personazhet e tyre”.

Si gjatë dhe pas lojës, Afërdita Skafida arriti të binte në sy, me rezultatin që producenti turk Ajun Ilizali e ftoi atë vitin e ardhshëm të marrë pjesë në lojën turke “Exathlon”, e cila po xhirohet edhe në Shën Dominik.

“Unë isha e vetmja greke që arrita në finale dhe madje me kokëfortësi, sepse promovonin një turke. Shkova në një produksion turk vetëm për t’u treguar se kush janë grekët dhe çfarë mund të bëjnë ata”, thotë ajo për përvojën e saj.

“Kur dola nga loja, Ajuni më telefonoi për të më uruar dhe më tha se jam lojtarja më e mirë që ka kaluar ndonjëherë në “Survivor”. Edhe gjatë lojës, kur më referohej, fliste shumë lajkatar, unë isha lojtarja e tij e preferuar. Statistikisht kam qenë sportistja më e mirë. Kam qenë e vetmja që kam pasur frikë nga Katerina Dalaka në lojë”, përfundon ish-atletja./abcnews.al