Sezoni i ri televiziv, në janar, e gjen Jonida Shehun në një emision pasditeje.

Ditën e sotme (e enjte, 9 dhjetor) u përfol se Jonida Shehu do të largohet nga ABC News për të drejtuar një program në Euronews Albania. Anabel.al kontaktoi me moderatoren, e cila pranoi nuk do të jetë më pjesë e ABC.

Shehu zbuloi se do të jetë në Euronews dhe është ende duke punuar me formatin e emisionit, i cili do të transmetohet në orën 17:00-19:00.

Në ABC, Jonida Shehu moderoi “Soiree”, një program që mbante autorësinë e saj dhe më parë transmetohej në Top Channel.

Jonida Shehu ka një karrierë televizive prej një dekade dhe është e njohur si spikere lajmesh dhe moderatore e disa formateve televizive në disa televizione shqiptare si Vizion Plus, Albania Screen, Ora News. Kujtojmë se ajo ka moderuar edhe “Pasdite në Top Channel” në vitin 2015.

Anabelmagazine