Rileximi në skenën e Teatrit Kombëtar të veprës ‘Prefekti’ ngjalli shumë debate mbi rikthimin e figurës së ish prefektit të Tiranës, Qazim Mulletit. Në datën 28 nëntor është transmetuar online në faqen e Teatrit Kombëtar, vepra ‘Prefekti’ e cila u mendua të ishte pjesë e aktivitetit “Netët e leximit të dramës shqipe”.

Rikthimi i kësaj vepre ku pati reagime nga personazhe të ndryshëm në vend e po ashtu edhe nga familjarët e ish-prefektit të Tiranës. Këto reagime duket se kanë bërë që Teatri Kombëtar të fshijë nga Facebook leximin artistik të veprës. Mbrëmjen e djeshme, Drejtori i Teatrit Kombëtar Hervin Çuli në një ndërhyrje në Open tha se pas debatit që ishte krijuar, konfimroi se ishte fshirë postimi për leximin e veprës dhe bashkë me të edhe komentet.

Reagimet ishin të njëpasnjëshme që pas publikimit nga faqja në Facebook. E para që reagoi kundër ishte shoqata “Tirona Intellectum” që reagoi ashpër për rikthimin e kësaj vepre. Sipas tyre, duket se Teatri me këtë vepër po rivlerëson tezat e qasjet që kishte Teatri gjatë regjimit komunist, luftën e klasave dhe stigmatizimin e banorëve të Tiranës.

Po ashtu, një prej atyre që e komentoi këtë rikthim të veprës ishte dhe deputeti socialist Erion Braçe, i cili nxorri një shkresë të firmosur nga Mulleti, i cili ka bashkëpunuar me fashistët e nazistët për ekzekutimet e antifashistëve. Mbesa e Mulletit, Mira Dine deklaroi se prefekti ishte një fisnik i vërtetë dhe kishte shpëtuar me dhjetra hebrenj në kohën e luftës, duke sqaruar edhe njëherë se për të armiku ishte bolshevizmi.

Leximi i veprës letrare më 28 nëntor u përball me një lumë kritikash, pasi pretendohej se në fakt po rivlerësoheshin tezat e qasjet që kishte Teatri gjatë regjimit komunist, luftën e klasave dhe stigmatizimin e banorëve të Tiranës që jo vetëm u dënuan dhe iu morën pronat për t’ia dhënë elitës së re komuniste. Teatri Kombëtar vendosi të lexojë pjesë nga vepra “Prefekti” të Besim Levonjës për t’i shfaqur në “Facebook” me rastin e festave të nëntorit. Por leximi i kësaj vepre ngjalli një sërë kritikash, pasi në të ironizohet e tallet figura e Qazim Mulletit.

(a.b)/dosja.al