Të tjera detaje tronditëse kanë dalë në dritë nga ngjarja e rëndë në Greqi, ku një shqiptare qëlloi me armë zjarri ish-bashkëshortin e saj, duke e lënë të plagosur rëndë.

Sherri duket se ka ndodhur për vajzën 13 vjeçare që çifti kishin bashkë. Mediat greke shkruajnë se Jorgos Neos, mjek okulist i njohur në Athinë, kishte marrë kujdestarinë e vajzës, por Klodiana Çelo nuk ishte dakord me vendimin.

Ngjarja ndodhi jashtë shtëpisë së 68-vjeçarit, teksa ai po kthehej pasi kishte marrë vajzën 13-vjeçe nga shkolla.

68-vjeçari kishte krijuar një familje të re me një grua angleze si dhe me vajzën që kishte me shqiptaren.