8 Marsi ndryshe i Vera Grabockës dhe Lindita Theodhorit, “vajzat” në prag të 70-ave që s’e njohin pensionin

Regjisorja Vera Grabocka dhe këngëtarja Lindita Theodhori janë në prag të 70-ateve, por nuk e njohin as plakjen dhe as pensionin. Ato joshin jo pak me stilin e jetës aktive si vajza në kulmin e rinisë, veshjet “street style”, duke filluar nga minifundet, pantallonat e shkurtra, streçet, veshjet lëkurë apo xhinset e grisura. Ishte Lindita ajo që bëri postimin e saj për 8 Mars me një veshje të tillë, dhe nuk munguan komplimentet e ndjekësve. Shumë prej tyre pyesnin në rrjete sociale me habi: Seriozisht e ka kjo “vajzë” që po bëhen 70 vjeç?

Vera-Grabocka-2

Vera-Grabocka-3

Duket se rinia asaj dhe Verës i buron nga shpirti, aq sa mund të sfidojnë edhe 20 vjeçaret përsa i përket elegancës dhe veshjeve “stil”, edhe pse për disa në Shqipëri mund të duket stili i tyre i ekzagjeruar për moshën që kanë. Regjisorja e shumë spektakleve të suksesshëm dh eaktualisht e programit “Në kurthin e Piter Pan” nuk ka lidhje fare me moshataret e saj, pasi për të fjala “pension” nuk ekziston. Energjike, elegante, e tonifikuar dhe gjithmonë në lëvizje, aq sa kur fotografohet pranë artistëve të rinj, nuk bën asnjë dallim në moshë. Përveç genit të mirë, duket se dhe vrapi i përditshëm nga liqeni e bën Verën të ketë një trup të tonifikuar, që duket nga veshjet e saj të ngushta.

Vera-Grabocka-4

E njëjta gjë ndodhe dhe me këngëtaren e njohur të viteve 70-të, Lindita Theodhorin. Artistja që vitin tjetër bën 70, u bë e njohur me këngën “Ua, Kafe Flora burra plot”, ndaj mund të themi se po i shijon njësoj të dy kohët. Por e bukura është që në luftë me kohën ajo fiton pasi e shohim që ka mbetur e re, moderne e sensuale, aq sa të surprizon vërtet! Përsa i përket stilit të veshjes ajo duket edhe më e guximshme, pasi vesh fustane ekstremisht të shkurtër, pantallona lëkurë poshtë vitheve, apo xhinse të grisura.

Vera-Grabocka-5

Pavarësisht viteve mbi supe ajo ka mundur t’i bëjë bisht kohës që kalon me veshjet e saj përderisa ka trup të mirë. Ndoshta jeta në emigracion prej 17 vitesh e ka bërë atë të jetë e lirë e mendjehapur, duke i ekspozuar deri në fund këmbët e saj të bukura. Ashtu si Lindita si nënë e dy djemeve edhe Vera si nënë e një vajzë tashmë janë bërë gjyshe, por vetëm si të tilla nuk duken./Panorama Plus