Antonio Banderas ishte shumë larg imazhit të tij prej seks simboli në daljen e fundit publike në një event të organizuar në nder të tij në qytetin e vet të lindjes, Malaga të Spanjës. Aktori, 63 vjeçar u shfaq me flokë më të gjata kacurela, ( sic duket është dhe floku i tij natyral), dhe me një nuancë të dallueshme gri.

Antonio mbante një këmishë të thjeshtë pambuku krem ​​të cilën e kombinoi me një kryq argjendi rreth qafës.

Më herët këtë vit aktori tha se një atak në zemër gjashtë vjet më parë i ndryshoi jetën për mirë. Ylli i kinematografisë e përshkroi përballjen me vdekjen si një ‘pikë kthese’ nga e cila ai qe në gjendje të kuptonte se cfarë “ishte e rëndësishme’ në jetën e tij.

“Kam pasur një atak në zemër gjashtë vjet më parë. Ndoshta ishte një nga gjërat më të mira që ka ndodhur në jetën time. Ishte si të vendosje syze dhe të shikoje se çfarë ishte e rëndësishme. U ktheva në Spanjë dhe fillova ta shikoja jetën time profesionale nga një këndvështrim tjetër. Kështu që unë lidhem me të në një mënyrë personale. Mendoj se është një mesazh i bukur dhe mendoj se është bërë siç duhet”.

“Që nga ataku im në zemër, jam duke kërkuar vetëm kënaqësinë e aktrimit. Kjo eshte. Nuk më intereson asgjë tjetër. Për mua, jeta fillon kur dikush thotë: “Action”, u shpreh Antonio, që u dërgua me urgjencë në spital në vitin 2017 pas dhimbjeve në gjoks teksa bënte ushtrime fizike.

Bordo