Largimi i parakohshëm nga jeta i Adelës tronditi personazhet e njohur shqiptarë, miq e kolegë të saj, ashtu sikurse dhe publikun që e njohu si një nga konkurrentet e ‘Big Brother’. Ai që i qendroi më pranë për vite me radhë, si në aspektin profesional, ashtu dhe në atë shoqëror është Eraldo Rexho, i cili i ka dedikuar disa fjalë prekëse Adelës.

Në një video të postuar në Instagram, ku shihen bashkë në zyrën e punës, Eraldo ka sjellë shumë kujtime pas. “Na paskan gënjyer Adela, koha nuk shëroka çdo plagë!”, e ka nisur kështu shkrimin e tij Rexho, duke theksuar se për të Adela mbetet e pazëvendësueshme. “Kam rreth vetes plot miq e bashkëpunëtorë të tjerë, të rinj e të vjetër, por nuk po e gjej Adelën”, është shprehur ai, ndërsa kanë qenë të shumta komentet e të tjerë personazheve, të cilët i janë bashkangjitur dhimbjes së Eraldos.

View this post on Instagram

Vitet nuk e zbehin dhimbjen… Na paskan gënjyer Adela, koha nuk shëroka çdo plagë! Ikja jote dhemb njësoj, edhe sot, si çdo ditë. Gjithçka na ka mbetur tani janë kujtimet. Të gjejmë në memorien e 'Facebook' dhe 'Instagram', në galerinë e fotove në i-phone, në videot e shkarkuara në kompjuter, në një kërkim në 'Youtube', në një rikthim tek bisedat e 'Whatsapp'… Në zyrën 40 metra katrorë, rrethuar nga orenditë që i zgjodhëm bashkë, në kolltukun ku bënim muhabetet e ditës, në tavolinën ku thurnim plane. Ti je gjithandej! Je te 21-shi, tek rruga e Kavajës, tek Blloku, në Shkozë, Kombinat e Kinostudio, je tek eventi i fundit, ku ishim dje. Jeta vazhdon, por s’është njësoj pa ty. Sepse na paskan gënjyer edhe kur na kanë thënë që nuk ka njerëz të pazëvendësueshëm. E di që në rastet e humbjeve të përhershme nuk ka vend për këtë krahasim, por unë ende po kërkoj për një bashkëpunëtore si ty. Kam rreth vetes, plot miq e bashkëpunëtorë të tjerë, të rinj e të vjetër, por nuk po e gjej Adelën. Adelën që këndonte çdo ditë me mua, e që do të jetë gjithnjë në zemrën time. Të duam shumë dhe na mungon pafund 💔 #KurrëNukTëHarroj #PërgjithmonëAdela #2VjetPaTy

A post shared by Eraldo Rexho (@eraldorexho) on Oct 29, 2019 at 12:29am PDT

Ndonëse kanë kaluar dy vite që nga largimi i Adelës, për Eraldon në veçanti duket se dhimbja vazhdon të jetë e njejtë… /News31.al