Një muaj pasi solli në jetë vajzën Khloe, Zaimina Vasjari është shfaqur për herë të parë në publik me partnerin e saj biznesmen, Klodianin. Këngëtarja është fotografuar në “Pallatin e Kongreseve” në Tiranë, ku Zaimina po hynte në sallë për të ndjekur spektaklin “Rikthimi i dallëndysheve”, një shfaqje me balerinët shqiptarë të famshëm në botë. Zai ishte aty për të mbështetur mikeshën e saj Ilda Bejlerin, e cila prezantoi këtë projekt të Digitalb. Në fotot ekskluzive dhe artikullin e publikuar nga “Panorama Plus”, thuhet se Zaimina si kurrë më parë u shfaq në krah të partnerit të saj, prej më shumë se 17 vitesh tashmë. “Zaimina është mbase një nga të rrallat vajza bukuroshe të botës së shoëbizit, e cila ka qenë e lidhur gjithmonë me të njëjtin partner”, citohet në shkrimin në fjalë. Ajo duket paksa e rrumbullakosur në trup pas lindjes, por sërish shumë seksi. Fotot e paparazzit të “Panorama Plus” pasojnë pozat artistike që Zaimina realizoi vetë në muajin e fundit të shtatzëninë me njeriun e zemrës. /Story.al/