Këtë të shtunë e ftuara e Aulona Mustës dhe Fatma Haxhialiut në studion e emisionit “Thumb” ishte modelja e njohur shqiptare që jeton në Shtetet e Bashkuara të Amerikës, Xhesika Berberi. Dy moderatoret i kanë kujtuar Xhesikës kohën kur ajo ka qenë pjesë e televizionit “Agon Channel” si prezantuese. Duke qenë se aktualisht shumë modele janë kthyer në prezantuese, dy moderatoret e kanë pyetur Xhesikën nëse ka në plan të përfshihet me ndonjë projekt në televizion. Sipas “Blitz.al” përgjigja e Xhesikës ka qenë e thjeshtë: “Kurrë mos thuaj kurrë!”, edhe pse i kishte disa rezerva për veten. “E bukur por e frikshme eksperienca në televizion. Nuk e di nëse do e shoh veten si prezantuese ama si këngëtare është e sigurt që kurrë. Nuk isha mësuar me atë punë që të merresha me të ftuarit, të bëja pyetjet. Bëja gafa gjithmonë dhe për t’i rregulluar i fusja një të qeshur nga mbrapa dhe rregullohej gjithë situata“,ka treguar me humor Xhesika duke e pranuar publikisht se kjo nuk është gjëja më e mirë që mund të bëjë në jetën e saj. /Story.al/