Futbollisti i Boca Juniors, Sebastian Villa është në telashe serioze, 23 vjeçari që luan me skuadrën argjentinase, akuzohet nga e dashura, për dhunë fizike në shtëpi. E dashura e lojtarit, Daniela Cortes, postoi një video në rrjetet sociale për t’i treguar lëndimet e shumta që kishte marrë në trup dhe fytyrë.

Pasi ajo i bëri publike këto video, një ish e dashur tjetër e futbollistit i doli asaj në mbrojtje, duke thënë se edhe ajo ishte abuzuar nga Villa. Ndërkohë së fundmi nuk ka munguar reagimi edhe i klubit argjentinas të Boca Juniors, ku nëpërmjet një deklarate në faqen zyrtare tha.

“Tani e tutje, klubi vihet në dispozicion të policisë në mënyrë që të bëjë gjithçka që mundet për të bashkëpunuar për sqarimin e ngjarjes, në përputhje me angazhimin tonë në çështjet e të drejtave të njeriut dhe çështjeve gjinore.”