Tirana është shndërruar në destinacionin e vajzave nga lindja që ofrojnë shërbime seksuale kundrejt pagesës.

Vajzat nga Libia, Taxhikistani apo Azerbaxhani por edhe Kina apo Vietnami vijnë në vendin tonë si turiste dhe marrin apartamente të ndryshme me qira ku ushtrojnë aktivitetin e tyre kundrejt shumave nga 100 deri në 400 euro. Reklamimin e bëjnë hapur në një faqe internet të quajtur ‘Tirana escorts’.

Ky aktivitet ra në sy të autoriteteve ku 3 nga vajzat ranë pre e grabitjes nga disa adoleshentë të cilët nën kërcënimin e thikës, u morën celularët dhe paratë.

Tre të miturit të dyshuar për vjedhje me dhunë thanë para uniformave blu se ranë në kontakt me të huajat në një faqe internet ku ato ofronin shërbime seksuale kundrejt pagesës në apartamente të marra me qira në Tiranë. Të miturit të moshave 16-17 vjeç i kontaktonin vajzat duke u hequr si klientë, e më pas kur shkonin në destinacion i grabisnin. Para disa ditësh një incident i tillë ndodhi në rrugën ‘Dervish Hatixheja’.

Komisariati nr.3 i policisë i identifikoi të miturit dhe për shkak të moshës i procedoi në gjendje të lirë. E njëjta situatë ka ndodhur javë më parë në rrugën ‘Islam Alla’ ku pre e vjedhjes ranë dy vajza nga Libia.

Ditën e sotme në emisionin “Shqipëria LIVE”, gazetarja Dorjana Bezat ka dhënë informacione të reja, teksa deklaro ise në dëshminë e tyre, djeemtë e mitur kanë thënë se kanë kryer marrëdhnëie me këto vajza. Dhe nuk janë vetëm ata. Lajmi se mund të bënin s*eks me vajza të huaja ka ngjallur interesin e adoleshentëve të cilët kanë ‘dyndur’ në shtëpitë e seksit.

“Të miturit kanë pohuar se kanë kryer marrëdhënie seksuale me vajzat. Ata thanë se kanë kryer pagesën, e më pas kanë marrë dhe paratë që vajzat kishin fituar. Ndërkohë, vajzat libaneze janë larguar nga vendi pas zbulimit të rastit, për të mos rënë në pranga.”– tha gazetarja.