Shpërthen në lot babai i Klodian Rashës: Ma vrau policia në derë të shtëpisë, prisja ta martoja…e kanë masakruar kufomën, nuk njihet

Babai i Klodian Rashës që u ekzekutua me armë zjarri mesnatën e sotme është përlotur përpara mediave. Në një intervistë për TVKlan, Qazim Rasha me lot dhe duke qarë shpreh dhimbjen e madhë për humbjen e të birit.

Ai shton se të birin ia ka masakruar polici, ndërkohë ai priste që ta martonte pasi 25-vjeçari ishte i fejuar.

“Prisja ta martoja, policia e ka masakruar në derë të shtëpisë, nuk mund të ndodhë kjo gjë. E kanë masakruar djalin. Ka qenë duke pirë kafe në një lokal në lagje dhe kur ka parë policinë ka ikur sepse nuk kishte maskë. Unë prisja ta martoja se e kisha fejuar…e kanë masakruar djalin, nuk njihet kufoma,”- tregon ai duke qarë me zë.