Nëntë vajza dhe gra që punojnë në një fabrikë përpunimi ullinjsh, në aksin rrugor “Fier – Vlorë” janë paraqitur me shenja helmimi në spitalin e Fierit.

Policia dyshon se helmimi mund të jetë shkaktuar nga një reaksion i shkaktar nga parfumi që ka përdorur njëra prej tyre.

Fier / Informacion paraprak

Rreth orës 10:00, në Spitalin Rajonal Fier, kanë shkuar me shenja helmimi dhe ndodhen jashtë rrezikut për jetën, 9 shtetase, të cilat punojnë në një fabrikë përpunim ullinjsh, në aksin rrugor “Fier – Vlorë”.

Nga verifikimet paraprake, dyshohet se helmimi i tyre ka ardhur si pasojë e një reaksioni të shkaktuar nga produkti aromatizues (parfum) i përdorur nga njëra prej këtyre shtetasve.

Grupi hetimor po punon për zbardhjen e plotë të ngjarjes.