Edhe këtë vit, Indeksi i Pasportave “Henley” ka publikuar renditjen e pasaportave më të fuqishme në botë për 2025-ën, bazuar kjo në të dhënat nga Shoqata Ndërkombëtare e Transportit Ajror (IATA).

Cila pasaportë është më e fuqishmja në botë?

Njësoj si një vit më parë, edhe këtë vit, Singapori kryeson listën si vendi me pasaportën më të fuqishme në botë.

Qytetarët e pajisur me këtë pasaportë gëzojnë akses pa viza në 195 nga 227 destinacione në mbarë botën, sipas Indeksit të Pasaportave Henley, më shumë se qytetarët e çdo vendi tjetër në planet.

Japonia është e dyta në renditje, me 193 destinacione, pasi ka siguruar medaljen e argjendtë duke rifituar aksesin pa viza në Kinën fqinje për herë të parë që nga bllokimet e Covid-19.

Shtetet anëtare të BE-së, Franca, Gjermania, Italia dhe Spanja janë në vendin e tretë, së bashku me Finlandën dhe Korenë e Jugut, me akses në 192 destinacione pa viza.

Pozicioni i katërt në renditje është një dëshmi e fuqisë së zonës Shengen pa kufij të Bashkimit Europian, e cila garanton lëvizjen e lirë për më shumë se 425 milionë qytetarë të BE-së. Në zonën Shengen bëjnë pjesë shtatë vende të BE-së, secili me akses pa viza në 191 destinacione: Austri, Danimarkë, Irlandë, Luksemburg, Holandë, Norvegji dhe Suedi.

Në vendin e pestë janë pesë vende – Belgjika, Zelanda e Re, Portugalia, Zvicra dhe Britania e Madhe – që të gjitha kanë akses pa viza në 190 destinacione.

Pasaportat më të fuqishme për vitin 2025

1. Singapor (195 destinacione)

2. Japonia (193)

3. Franca, Gjermania, Italia, Spanja, Finlanda, Koreja e Jugut (192)

4. Austria, Danimarka, Irlanda, Luksemburgu, Holanda, Suedia, Norvegjia (191)

5. Belgjika, Zelanda e Re, Portugalia, Zvicra, Mbretëria e Bashkuar (190)

6. Greqi, Australi (189)

7. Kanada, Poloni, Maltë (188)

8. Hungari, Çeki (187)

9. Estonia, Shtetet e Bashkuara (186)

10. Lituani, Letoni, Slloveni, Emiratet e Bashkuara Arabe (185)

Ku renditet Shqipëria?

Pasaporta shqiptare renditet në vend e 43-të në botë sipas Indeksit të Pasaportave Henley 2025. Duhet thënë se ka bërë progres krahasuar me renditjen e një viti më parë, me një përmirësim me 5 vende.

Megjithatë, pasaporta shqiptare renditet e fundit në rajon, duke lënë pas vetëm atë të Kosovës.

Sa i përket rajoni, pasaporta serbe paraqitet më e fuqishmja, duke u renditur në vendin e 34-të.

Anabelmagazine