Transmetimet “live” në ekran sjellin plot të papritura, po ajo që ndodhi mbrëmë në emisionin e Alketa Vejsiut nuk ishte parë më herët. E ftuara kishte paralajmëruar pjesëmarrjen në emisionin “Në kurthin e Piter Pan”, por më pas nuk mundi të ngjitej dot në skenë. Është fjala për këngëtaren Manjola Nallbani, e cila kishte postuar edhe një foto, ku thoshte: “Pas pak në kurthin e Piter Panit”. Dy të ftuarit e tjerë ishin Saimir Kodra dhe Albana Osmani, por duket se Kodra mori më shumë kohë sesa duhet, dhe për këtë Alketës i duhej që ta mbyllte emisionin me vetëm dy të ftuar, ndryshe nga formula e lançuar në natën e premierës me tre të ftuar. Mbase Manjolën do të shohim javës tjetër, pasi Alketa nuk mund të merrte kohën e kolegut të saj Blendi Fevziu, i cili nisi direkt transmetinimin e “Opinion”. Por për Manjola Nallbanin e të gjitha artistet që veshin taka, pritja në backstage nuk është aq komode sa duket. Paparazzi i revistës “Story” e fotografoi në finalen e Festivalit të 56-të të Këngës në RTSH këngëtaren, ku e lodhur nga pritja e gjatë në një moment artistja hoqi këpucët, dhe nisi të masazhonte këmbët para se të dilte në skenë. Manjola Nallbani me një karrierë të sikatur si profesioniste e muzikës u kthye në garën e muzikës me këngën “I njëjti qiell”, krijim me muzikë të Elgit Dodës dhe vargje të Rozana Radit. /Story.al/