Sot, Kim Kardashian mbush 40 vjeç, por festa për të dhe miqtë e saj ka nisur prej kohësh.

Ylli i “Keeping Up With The Kardashians” po planifikon të fluturojë me avion privat bashkë me 30 të ftuar të tjerë në një ishull të izoluar, javën e ardhshme, sipas “Page Six”.

Festa e saj thuhet se do të zhvillohet në Karaibe, por ajo nuk ka zbuluar asgjë ende, sepse dëshiron që të ftuarit të mos jenë në dijeni të asaj që i pret.

Thuhet se të ftuarit janë testuar një herë për koronavirusin dhe do të testohen sërish në fundjavë, në mënyrë që çdokush të jetë i sigurtë.

Ka shumë spekulime se ku do të zhvillohet festa, pasi disa mendojnë se vendi i zgjedhur është ishulli “Necker” i Richard Branson.

Por, familja Kardashians është fanse e madhe edhe e Karaibeve dhe e ishujve Bora Bora.