Machine Gun Kelly ngriti shumë thashetheme në “Billboard Music Awards 2022” të dielën në mbrëmje, kur ai iu referua Megan Fox si “gruaja” e tij dhe më pas përmendi “fëmijën e tyre të palindur”.

Kelly doli në skenë në Las Vegas për të performuar “Twin Flame” dhe në fillim të tij tha: “Unë e shkrova këtë këngë për gruan time”.

Në gjysmë të performancës, ai vazhdoi me: “Kjo është për fëmijën tonë të palindur”, ndërsa dëgjohej një rrahje zemre, shkruan Page Six.

Më herët në mbrëmje, çifti hodhi poshtë pyetjen e një gazetari duke pyetur nëse do të ndiqnin hapat e Kourtney Kardashian dhe Travis Barker dhe të bënin një martesë të shpejtë në Las Vegas.

Në vend të kësaj, Kelly, 32, tha se ata do të festonin ditëlindjen e 37-të të Fox në mesnatë.

Dyshja, u fejuan në janar në plazhin Ritz-Carlton Dorado në Porto Riko.

“Dhe ashtu si në çdo jetë para kësaj, dhe si në çdo jetë që do ta pasojë, thashë po… dhe më pas pimë gjakun e njëri-tjetrit”, shkroi Fox në Instagram në atë kohë.

“Janë vetëm disa pika, por po, ne konsumojmë gjakun e njëri-tjetrit me raste vetëm për qëllime rituale.”