Duket se mes Shqipe Hysenaj dhe Tea Trifonit nuk do të ketë paqe.

Ditën e djeshme, vajzat e “Përputhen” patën një përplasje me njëra-tjetrën, duke bërë që emisioni të devijonte dhe të mos transmetohej takimi mes Fiorela Petos dhe Klejdi Jazaj.

E gjitha nisi nga një foto që Tea kishte postuar në Instastory, pasi e kishte pyetur Shqipen, një foto të realizuar nga ndjekësit e tyre.
Shqipja e ka ripostuar dhe krah saj ka shkruar: “Dhe mullari i kashtës u dogj dhe lopa mbeti pa ngrënë”. Kaq ka mjaftuar që studioja të “shpërthejë”.

Pjesë nga biseda

Shqipe Hysenaj: “Mullari i kashtës” është thelbi i muhabetit. Kurse lopët ishin thjesht thonjëza dhe jo për dikë.

Tea Trifoni: Po në momentin që bëhet repost fotoja ime dhe ti shkruan atë…

Shqipe Hysenaj: Nëse ti e ke marrë për vete, puna jote… Ju nuk merrni vesh as nga sarkazma, as nga batutat…

Tea Trifoni: E kam ripostuar, kam bërë gabim që kam komentuar diçka të tillë për Shqipen që është pozitive.

Shqipe Hysenaj: S’e kam bërë me të keq, më vjen keq që je ofenduar, nuk kam se përse të kërkoj falje për diçka që e kam thënë pa të keq.

Te Trifoni: Po pse e ke vënë atë emoji?

Shqipe Hysenaj: Për batutë, moj vajzë.

Tea Trifoni: Ku qëndron batuta këtu? Çfarë lidhje kanë lopët me bisedën?

Shqipe Hysenaj: Që lopët ngelen pa ngrënë nëse kashta digjet. E kam lënë për batutë!

Tea Trifoni: Ty të vjen keq që unë jam ofenduar, jo që ti e ke thënë atë gjë?

Shqipe Hysenaj: Po!

Tea Trifoni: Unë nuk dua falje nga ty, ty të faltë zoti. Shqipja është tip negativ kundrejt meje, nuk e di çfarë ka, ndoshta është xheloze. Ato që thotë Sqhipja për mua, nuk i vlerësoj. Një person që është kontradiktore me veten e saj nuk bën sens, edhe mendimi i saj për mua nuk bën asgjë.