Franceska Murati, ish-banore e “Big Brother VIP Albania 3” dhe një nga emrat më të përfolur kohët e fundit për jetën e saj private, ka bërë një hap të madh në jetën personale: është bërë me shtëpi të re!

Në një nga zonat më të shtrenjta të kryeqytetit, Franceska ka ndarë pamje nga apartamenti i saj i sapoblerë, i cili bie në sy për luksin dhe stilin modern. Megjithëse nuk ka bërë publike shumën, sipas një vlerësimi të përafërt të tregut, apartamenti i ri tejkalon vlerën e gjysmë milioni euro!

Në postimin e saj, Franceska shkruan:

“Është zyrtare! Më në fund kam shtëpinë time të parë. Pas një kërkimi shumë të gjatë, mora një shtëpi në Tiranë. Falë @ad_realestate_florinda_lutaj që më duroi pafund tekat e mia deri sa gjetëm shtëpinë perfekte. Mezi po pres të ndaj çdo hap të këtij rrugëtimi me ju.”

 

View this post on Instagram

 

A post shared by Franceska Murati (@franceska_murati)

Por, siç ndodh zakonisht, postimi ka ndezur menjëherë rrjetin. Komentet nuk kanë munguar, me fansa që shkruajnë: “Kah i gjeti leket?”, duke nënkuptuar që luksit të saj i mungon një shpjegim publik.

Ndërkohë që zërat për një ndarje të mundshme nga bashkëshorti vazhdojnë të qarkullojnë në media, Franceska duket më e fokusuar se kurrë tek vetja dhe një fillim i ri… në një rezidencë që është gjithçka përveçse modeste!

/Prive By Liberta Spahiu