Atëherë kur menduam se çudirat nga personazhet apo influencerat i kishim parë të gjitha, Mike Eze-Nwalie Nwogu nga Nigeria ka habitur botën.

Personazhi i njohur për veprat e tij bamirëse e i njohur si “playboy” nigerian është shfaqur në një ceremoni martesore me 6 gra, të cilat janë të gjitha në një pritje të ëmbël me “Pretty Mike” – emri i “artit”.

Në fotot e postuara në rrjetet sociale, influenceri afrikan shfaqet duke prekur dhe duke puthur barkun e rrumbullakosur të secilës prej 6 grave që shfaqeshin krah tij.

Po në rrjetet sociale, “Pretty Mike” është shprehur se është babai i të 6 fëmijëve që priten të vijnë në jetë.

Ka pasur edhe nga ato komente që shprehen se filantropisti po përpiqej të tërhiqte vëmendjen.

Kujtojmë se në vitin 2017, “Pretty Mike” u shfaq në një ceremoni me dy partnere të lidhura me zinxhir, të cilat ai i mbante të burgosura… veprim që e çoi menjëherë në qeli.