Horoskopi i datës 10 shtator 2020

Dashi
Gjatë kësaj periudhe keni nevojë për të reflektuar lidhur me çështjet familjare dhe dashurinë. Kjo, sepse në gusht keni përjetuar një krizë të fortë dhe jeni përpjekur shumë. Sa i takon punës, parashikohet një periudhë konfuze, gjithsesi mblidhni forcat dhe jepni më të mirën.

Demi
Keni nevojë që të rigjeni qetësinë, duke kërkuar me forcë dhe vendosmëri atë që prej shumë kohësh duket se ka humbur. Mund të përballeni me situata stresuese nga e kaluara, të cilat kërkojnë që t’i jetoni gjërat me më shumë ekuilibër. Këshillohet që të jeni të kujdesshëm në zgjedhjet që të bëni, në mënyrë që të veproni me qetësi, pa u nxituar dhe pa e komplikuar rrugën tuaj.

Binjakët
Yjet parashikojnë një lodhje të dukshme dhe shumë situata që do të ngjallin konfuzion. Dikush ka ndryshuar punë dhe është vënë në lojë në sektorë të tjerë dhe kjo gjë i bën të ndihen nën presion. Pavarësisht tensionit, kënaqësitë do të vijnë. Kush ka dikë pranë, nuk duhet ta largojë.

Gaforrja
Nuk duhet t’i nënvlerësoni situatat me të cilat do të përballeni, duke qenë se çdo gjë do të kërkojë më shumë energji dhe forcë. Çdo gjë që do të arrini, do të fitohet. Bëni kujdes me stresin, pasi mund të komplikojë një sërë situatash.

Luani
Shtatori, tetori dhe nëntori, janë muaj kalimtarë, ku duhet dëgjuar dhe jo vepruar. Shumë prej jush mund të inatosen, pasi gjatë muajve të fundit jeni përballur me zhvillime të cilave nuk po ju gjeni dot zgjidhje. Mos u shqetësoni pasi gjithçka do të rregullohet. Bëni durim!

Virgjëresha
Hëna do të jetë në shenjën tuaj gjatë kësaj dite, duke e bërë mjaft interesante. Kush është martuar prej pak kohësh, apo është i përfshirë në një lidhje të bukur mund të çojë përpara hapa premtues, në sajë të ndikimit të Venusit.

Peshorja
Për të lindurit e kësaj shenje parashikohet një fundjavë e bukur. Kush ka nisur një aktivitet të ri, mund të marrë rezultate shumë të mira. Duhet të mundoheni që të lini mënjanë ankthin dhe ndjesinë se nuk ia dilni dot në diçka, pasi kjo gjë mund t’iu komplikojë jetën.

Akrepi
Nis për ju një periudhë gjatë së cilës duhet të luftoni, por më në fund do arrini që të siguroni një sërë fitoresh. Ajo që duhet të mbani parasysh në këtë moment, është vendosmëria juaj ndaj situatave. Kjo gjë vlen si në punë, edhe në sferën sentimentale.

Shigjetari
Kjo e enjte duket disi e lodhshme, ku do ju duhet të përgatiteni për diçka të rëndësishme. Të gjithë ata që kanë ndërmend një projekt të madh, nuk duhet të dorëzohen tani. Dashuria është një sferë ku duhet të kushtoni më shumë energji dhe vëmendje. Sot është fiks dita kur duhet ta surprizoni partnerin.

Bricjapi
Ritmi do të nisë për ju me kohë të plotë. Megjithatë, parashikohet që të ketë ndonjë konflikt në dashuri, teksa vijoni të prisni më shumë përgjigje. Bëni mirë që të zgjidhni çdo keqkuptim që keni. Projektet e reja janë mjaft të favorshme, por keni nevojë për më shumë siguri.

Ujori
Gjatë kësaj jave duhet të tregoheni më të kujdesshëm. Në punën tuaj mos u mundoni që të sforcoheni shumë. Mund të jeni me kokën mes reve dhe nuk do e shihni mirë realitetin. Periudha në vijim do të sjellë konfuzion, si në dashuri, edhe në sferën profesionale.

Peshqit
Pritshmëritë për periudhën në vijim do të jenë shumë pozitive. Megjithatë nuk duhet menduar me ngulm për të ardhmen, pasi rrezikoni që të bëni gabime shumë të rënda. Edhe nga pikëpamja sentimentale do të ketë zhvillime interesante.