Mbrëmjen e sotme u mbajt nata finale e “Kënga Magjike”, ku u shpall fituese Eneda Tarifa. Këngëtarja konkuroi në festival me këngën “Ma zgjat dorën” dhe arriti të rrëmbente vendin e parë duke grumbulluar pikët nga votimi i artistëve, jurisë dhe publikut. Në vendin e dytë u rendit Fifi me këngën “Marova”, ndërsa në vendin e tretë Anxhela Peristeri me këngën “Dikush i imi”. Në “Kënga Magjike” u dhanë vetëm 4 çmime, ku përveç çmimit të parë u dha dhe ai i “New Artist” që e fitoi Khuba, “Best International Artist” që e rrëmbeu Tamara Todevska, si dhe çmimin “Best New International Artist” që e fituan Sisma. /revistawho.com