Një foshnje me këmishë ka lindur në maternitetin Koço Gliozheni.

Fëmija me qese amniotike erdhi në jetë mbrëmjen e djeshme.

Lajmi u bë i ditur nga gjinekologia e këtij materniteti, Anika Dokle me anë të një postimi në rrjetet sociale.

Ajo publikoi foto të foshnjës me qesen amniotike dhe shkroi: “Bebush me këmishë❤”

Foshnja mbahej në duar nga anëtarët e stafit mjekësor që asistuan në lindjen e bebit.

Sipas gojëdhënave, ky fëmijë pritet të jetë me fat.

“Lindja me këmishë” është një fenomen i jashtëzakonshëm që ndodh kur fëmija lind së bashku me qesen amniotike. Zakonisht qesja amniotike shpërthen para lindjes së foshnjës.

Shumica e këtyre lindjeve janë të parakohshme dhe disa mjekë kanë vërejtur se kjo qesë mund të mbrojë një të porsalindur nga presioni mekanik i kontraktimeve shumë të forta të mitrës.

Një lindje e tillë, sipas mjekëve, ndodh vetëm një në çdo 80.000 lindje.

/Panoramaplus.al