Në një intervistë për “Radio Times” aktorja e famshme Dame Kristin Scott Thomas ka refuzuar të thotë faleminderit kur dikush e komplimenton për moshën.

59-vjeçarja tha se është e lodhur me njerëzit të cilët mendojnë se bukuria e një femre shuhet pas një moshe të caktuar sidomos pasi ato kanë kaluar të 50-at.

“Nuk kam ndërmend të them më faleminderit kur dikush më thotë se dukem mirë për moshën time” -tha ajo gjatë intervistës.

Dame shtoi se plakja është një cilësi për femrat dhe vetëm sepse atyre u shtohen rrudha nuk do të thotë se nuk kanë freskinë, bukurinë apo energjinë e duhur.