Chrissy Teigen nuk do ta përshkruante takimin e saj të parë me John Legend si “seksi”, por sigurisht që ishte efektiv në marrëdhënien e tyre. Nëna e dy fëmijëve foli në “Elle UK” për mënyrën sesi filloi marrëdhënia e saj me bashkëshortin aktual John Legend.

Çifti u takua gjatë xhirimeve të klipit “Stereo” në vitin 2007 dhe modelja ka thënë se nuk ishte dashuri në shikim të parë, por gjithçka ndryshoi pas 12 orëve që kaluan bashkë, shkruan Icon Style. “Nuk i thashë vetes ‘Wow ai është kaq seksi!’, por Johni e bëri hapin e parë. Ne kemi kaluar 12 orë së bashku në takim. Kjo llogaritet si 12 takime, apo jo”, ka thënë Chris.

Theksojmë se Chrissy Teigen dhe John Legend u martuan në Itali në verën e vitit 2013 pas 4 vjet lidhjeje, dhe janë prindër të dy fëmijëve.