Së fundmi këngëtarja me famë ndërkombëtare Iggy Azalea, ka mbajtur koncert në Rio de Janeiro, Brazil. Gjatë performancës së saj njërën nga balerinat e kapën krizat e epilepsisë dhe këngëtarja bëri sikur nuk e vuri re. Ajo vazhdoi performancën deri në fund dhe nuk lejoi ndihmën mjekësore të ndërhynte.

Pas kësaj fansat e akuzuan këngëtaren dhe ajo ka reaguar nëpërmjet një postimi në rrjetet sociale, ku shprehet mjaft e lënduar, shkruan Who.

“Ndonjëherë ndihem e sfilitur nga bota. Duket sikur çdo gjë që bëj, kthehet në një mundësi për njerëzit që të më thonë pse jam një kuç*ë, pse muzika ime ta shpif, rrobat e mia janë të shëmtuara, pse unë nuk kam asnjë vlerë ose jam një njeri i tmerrshëm. Jam e trishtuar. Katër vitet e fundit jam vetëm unë që jetoj në një botë, ku nuk mund të bëj asgjë siç duhet dhe është e vështirë të mos ndihesh “ku është kuptimi” dhe të jesh e motivuar”.