Akuzohet se do vendosi mikroçipa tek njerëzit përmes vaksinës, reagon Bill Gates: “Do ndryshoni mendim”

Miliarderi Bill Gates i është përgjigjur publikisht të gjitha teorive konspirative se ai do të vendosi mikroçipin tek njerëzit përmes vaksinave ndaj koronavirusit.

Themeluesi i Microsoft ka hedhur miliona dollarë në zhvillimin e një vaksine anti-Covid. Shumë besojnë se brenda vaksinës do të injektohet një mikroçip që do të kontrollojë lëvizjet e njerëzve.

Por miliarderi ka thënë se këto janë thjesht disa teori, të cilat nuk janë aspak të vërteta dhe ka thënë se njerëzit do ndryshojnë mendim kur të zbulohet vaksina.

“Nuk e di nga kanë lindur këto teori. Unë dhe Dr. Anthony Fauci jemi akuzuar për gjëra të tilla, përfshirë edhe faktin se gjoja ne dëshirojmë të ulim numrin e popullatës në botë dhe përmes vaksinës të kontrollojmë njerëzit. Por njerëzit do të ndryshojnë mendim për këto gjëra, kur të zbulohet vaksina”, u shpreh Bill Gates.