Të gjithë e kemi përjetuar në ndonjë fazë të jetës sonë dhimbjen e të humburit një person të cilin/cilën e kemi dashuruar.

Heqja dorë nga dikush që e dashuroni është një prej gjërave më të vështira botë. Fatkeqësisht, ndonjëherë… është e domosdoshme, transmeton Telegrafi.

Meqenëse dhimbja që e përjetoni nga heqja dorë nga personi që e dashuroni mund t’ju bëjë të ndaloni aty ku jeni, ju duhet të ndërmerrni masa për të ecur tutje me jetën tuaj dhe për ta gjetur lumturinë diku tjetër.

Ndonjëherë, ju e dini se çfarë ka ndodhur. Ndonjëherë, ju ndiheni sikurse gjërat ngadalë ju kanë rrëshqitur nga duart dhe nuk mund ta identifikoni një shkaktar.

Por, cilido që të jetë rasti, më së miri është të vendosni se është koha të hiqni dorë dhe të ecni tutje.

E, si ta bëni këtë?

1: Ndaleni kontaktin

Para se të bëni ndonjë gjë, çfarëdo gjë tjetër, fillimisht duhet ta ndalni krejtësisht kontaktin me atë person.

Asnjëherë nuk do të mund të shëroheni nëse e mbani afër personin që ju ka lënduar.

Fshijeni numrin e telefonit, fshijeni nga rrjetet sociale, fshini fotografitë dhe çdo gjë tjetër.

2: Mos i injoroni ndjenjat

Ndjejeni dhimbjen dhe mos ikni nga ajo. Lëreni veten thjesht ta ndjeni atë çfarë jeni duke e ndjerë, edhe nëse nuk ndiheni rehat.

3: Mos fantazoni

Hapi tjetër është t’i ndalni fantazitë.

Posa të filloni ta përjetoni procesin gradual të shërimit të brendshëm dhe të reflektoni në kujtimet e së kaluarës, ju do të motivoheni të fantazoni se ndoshta, vetëm ndoshta, personi do të ndryshojë.

Ndoshta gjërat do të funksionojnë kësaj radhe.

Por, gjërat nuk do të funksionojnë – dhe nuk do të ndryshojnë!

4: Kuptojeni procesin e pikëllimit

Sikurse vdekja e një familjari, përfundimi i një lidhje është humbje dhe me humbje vjen pikëllimi.

Mohimi, izolimi, zemërimi, depresioni dhe pranimi janë të gjitha faza normale të procesit.

5: Merreni të gjithë kohën që ju nevojitet

Sikurse pikëllimi, edhe shërimi është proces. Jepni kohë që ta bëjë të veten.

6: Pyeteni veten se çfarë po kërkoni në lidhje

Pauzoni për të imagjinuar se si duhet të jetë lidhja juaj ideale.

Vlerësoni se çfarë ka ndodhur gabim në lidhjen e kaluar, çfarë ka funksionuar dhe si duhet të jetë lidhja e ardhshme.

7: Bëhuni mirënjohës

Fillojeni ditën duke qenë mirënjohës. Rikujtojani vetes çdo ditë të gjitha gjërat e mira që janë duke ju ndodhur në jetë.

8: Duajeni veten

Në vend se ta kritikoni veten, praktikojeni dashurinë për vetveten.

9: Dilni dhe jetoni

Punoni, ndiqeni pasionin, takoni njerëz të ri apo shkoni në një aventurë. Çfarëdo që të jetë, filloni duke krijuar eksperienca të reja, kujtime dhe lidhje për t’i zëvendësuar kujtimet e vjetra. /Telegrafi/