Të gjithë personat që do të kenë kontakt me Presidentin Donald Trump, sipas Shtëpisë së Bardhë, do t’i nënshtrohen fillimisht testit të koronavirusit. I njëjti rregull vlen dhe për takimet me zv. Presidentin e SHBA-ve, Mike Pence. Ky rregull është vendosur për të ruajtur shëndetin dhe sigurinë e tyre. 

Ky test do të bëhet sepse ka shumë persona që e kanë marrë virusin, por nuk shfaqin menjëherë simptoma. Në një konferencë për shtyp të premten, Trump u shpreh se grupi i drejtuesve të naftës me të cilët ishte takuar, ishin testuar para takimit për virusin. Ai u shpreh se nuk ishte në dijeni të këtij fakti.