”Pasi eliminova këtë ushqim, rashë plot 20 kg”, Anxhela Peristeri zbulon sekretet e dietës çudibërëse

Anxhela Peristeri është një prej këngëtareve më të njohura shqiptare, e cila kohët e fundit është komentuar për shkak të rënies drastike në peshë. Këngëtarja tani është shfaqur super në formë. Së fundmi, ajo ka qenë në emisionin “Rudina”, prej nga ku moderatorja e ka komplimentuar këngëtaren për pamjen e re.

Anxhela-2

Në rrëfimin e saj, Anxhela ka treguar se ka rënë 20 kg dhe këtë e ka arritur pasi i është dedikuar dietës, kërcimit dhe palestrës. “Humba 15 kilogramë 6-mujorin e parë dhe 5 kilogramë të tjera pa mbajtur dietë. Kilogramët i hoqa me dietë, balet dhe stërvitje. Kam eksperimentuar shumë shpesh që të bie nga pesha. Herët e tjera për shkak se rashë shpejt në peshë, i rifitova shpejt kilogramët. Kurse këtë herë vendosa të dobësohem gradualisht dhe ka rezultuar shumë mirë sepse nuk kam marrë kilogramë gjatë 3-mujorit që nuk jam stërvitur.

Anxhela-1

Kam ndërprerë vetëm karbohidratet dhe ëmbëlsirat. Në fillim i ndërprerva fare, pastaj i minimizova duke i përdorur 1 herë në 3 ditë ose 1 herë në javë. Në darkë ndonjëherë edhe nuk ha fare sepse tani më është zvogëluar edhe stomaku dhe nuk më merr shpesh uria. Në mëngjes ha vezë të zier, kos ose banane, një mëngjes i lehtë. Nuk kam shumë oreks në mëngjes. Me zor e ha dhe atë që ha”, ka thënë Anxhela./Living/