Dashi
Kjo ditë mund t’ju ofrojë surpriza të këndshme në dashuri. Nëse nuk arrini të kapni mundësitë që ju ofrohen, do të dilni të zhgënjyer. Në punë tregohuni më të vendosur dhe të rreptë me kërkesat tuaja, pasi vetëm kështu do të merren parasysh.

Demi
Në dashuri do të dominoheni nga ndjenjat e forta. Në punë reflektoni më mirë ndaj asaj që ju rrethon, si dhe analizoni presionet dhe keqdashjet e mundshme, sidomos nga disa persona që nuk kanë ndjenja pozitive ndaj jush.

Binjakët
Sa i takon raportit në çift, parashikohen momente tensioni. Përpiquni të ruani qetësinë, në mënyrë që të shmangni mosmarrëveshjet. Në punë do ju duhet të bëni një hap prapa, për shkak të një keqkuptimi, i cili do të marrë kohë të zgjidhet.

Gaforrja
Në sferën profesionale do të përballeni me një surprizë, ndaj mundohuni të jeni të përqendruar, në mënyrë që të mos e humbni. Një nxitim i juaji në dashuri mund të shkatërrojë gjithçka, ndaj matuni mirë përpara veprimeve të pamenduara.

Luani
Duhet të tregoni sa vleni realisht në profesionin tuaj, duke nxjerrë në pah idetë që keni. Në raportin në çift nuk parashikohen zhvillime të reja. Me financat, gjërat do shkojnë shumë mirë, por kjo nuk do të thotë ta teproni me shpenzimet.

Virgjëresha
Shmangni xhelozitë ndaj partnerit. Nuk zgjidhni asgjë me ndjesitë negative, përkundrazi, dëmtoni raportin tuaj. Kujtohuni që besimi është faktori më i rëndësishëm. Mendoni pozitivisht dhe do të shikoni sa mirë do të ecë gjithçka, veçanërisht në dashuri.

Peshorja
Përpiquni të jeni më të hapur ndaj miqësive të reja. Koha më pas do të qartësojë mendimet në lidhje me secilin prej tyre. Në sferën profesionale, parashikohet ngritje në detyrë dhe shpërblim për përkushtimin.

Akrepi
Kjo ditë do të jetë e mbushur me lajme pozitive në aspektin profesional. Eprorët tuaj kanë opinion pozitiv ndaj jush. Në dashuri ka një ngërçe, por kjo jo për fajin tuaj. Është aspekti planetar që nuk ju favorizon në këto momente.

Shigjetari
Moti i mirë duket që në mëngjes. Kjo ditë do të jetë pozitive dhe plot energji për ju. Nuk do të ketë diçka konkrete, por gjendja shpirtërore do të jetë mjaft e mirë. Kjo tregon se nuk nevojiten shumë gjëra për t’ju bërë të lumtur.

Bricjapi
E mira do t’ju shpërblehet me të mirë. Mos hiqni dorë nga ndihma ndaj të tjerëve dhe as nga këshillat tuaja. Është ndjesia më e mirë që mund të merrni ndonjëherë. Sa i përket dashurisë, ndonjë flirt interesant mund të dalë gjatë ditës.

Ujori
Tregohuni më i fokusuar në punën tuaj, ose në shkollë. Mos lini pas dore disa detyra të rëndësishme, sepse mund t’ju mblidhen shumë angazhime, që më pas nuk do të dini si t’ia dilni mbanë me sukses.

Peshqit
Nëse jeni duke menduar për të realizuar një udhëtim, shtyjeni atë për një moment tjetër. Përpiquni të mos shpërqendroheni nga prioritetet tuaja, të cilat kanë nevojë për një hov galopant. Ju duhet një ndryshim rrënjësor në jetën tuaj.