Çifti martohet nën kërcënimin e armëve, fotot bëjnë xhiron e botës

Xhon Milton, një fotograf udhëtimesh nga Shtetet e Bashkuara të Amerikës, tha se donte që ai e gruaja e tij të kishin foto dasme nga më të veçantat. Ata kanë bërë foto në Kongo sikur çifti mbahet nën kërcënimin e armës nga një person me maskë, buzë një vullkani. Më pas, gruaja e Miltonit, e veshur si nuse, shëtit nëpër getot e Kongos. Një tjetër foto ka një unazë të vendosur mbi një fishek, shkruan “Top Channel”. Shumë njerëz nuk dinë si të reagojnë për fotot e çuditshme, por të tjerë i quajnë ofenduese për Kongon dhe për njerëzit që jetojnë në lagjet e varfra. Fotot u bënë virale dhe Milton ka nxituar që t’i fshijë nga faqja e vet e Instagramit.